Aaj Ashq Mere Naat Sunaye To Ajab Kya Naat Shareef Lyrics
Tuesday, 11 February 2014
Aaj Ashq Mere Naat Sunaye To Ajab Kya
Sun Kar Woh Mujhe Paas Bulayen To Ajab Kya
Un Par To Gunhagar Ka Sab Hal Khula Hai
Us Par Bhi Woh Daman Main Chupayen To Ajab Kya
Munh Dhanp Ke Rakhna Ke Gunahgar Bohot Hun
Mayyat Ko Meri Dekhne Ayen To Ajab Kya
Deedar Ke Qabil To Nahi Chashme Tamna
Lekin Woh kabhi Khuwab Main Ayen To Ajab Kya
Na zaad Safar Hai Na Koi Kaam Bhale Hain
Phir Bhi Mujhe Sarkar Bulayen To Ajab Kya
Hasil Jinhain Aqa Ki Ghulami Ka Sharaf Hai
Thokar Se Woh Murdon Ko Jilaye To Ajab Kya
Wo Husne Do 'Aalam Hai Adib Unke Qadam Se
Sehra Main Agar Phool Khil Ayen To Ajab Kya
 |
Written By :
|
Anonymous |
Recited By :
|
Unknown | |
Published By :
|
Naat Lyrics Official |
